Ixxerja

Il-kantant Andy Muscat qasam messaġġ mill-aktar sinċier u emozzjonanti fuq il-midja soċjali f’għeluq snin missieru, David Muscat, fejn fakkar il-vjaġġ li għaddew minnu flimkien matul is-snin – kemm fuq livell personali kif ukoll familjari.

Permezz ta’ ritratti li juru mumenti differenti minn ħajjithom, Andy rrifletta fuq kif iż-żmien jgħaddi u kif ir-relazzjoni bejn missier u iben tissaħħaħ matul il-ħajja. Huwa fakkar f’ritratti meħuda f’mumenti sempliċi, fis-salott jew waqt xogħol fid-dar, li għalihom għandhom tifsira kbira u emozzjonali.

Andy semma wkoll sena partikolari li kienet impenjattiva u mimlija sfidi, iżda saħaq li matul dan kollu sab appoġġ kontinwu mingħand missieru. F’messaġġ mimli ringrazzjament, huwa rrikonoxxa l-paċenzja, l-għajnuna u s-sagrifiċċji li missieru David jagħmel bla waqfien għall-familja tiegħu.

“Ma nistax nimmaġina li nagħmel dan il-proġett mingħajrek,” kiteb Andy, filwaqt li rringrazzjah ta’ kollox u awguralu għeluq sninu t-tajjeb b’qalb mimlija mħabba.

Il-messaġġ intlaqa’ b’reazzjonijiet pożittivi u awguri mingħand diversi segwaċi u ħbieb li ngħaqdu ma’ Andy biex jawguraw lil David f’din il-ġurnata speċjali.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

“Iċ-Ċkejkna Jasmine Qisha Supereroj”– Filmat Li Juri L-Progress Kontinwu  U Straordinarju Tagħha

Eileen Cumbo Salerno Ilbieraħ

Dak li qed naraw mhuwiex sempliċiment filmat ta’ tifla bilqiegħda fuq ballun. Dak il-mument qasir jaħbi warajh storja twila ta’ xogħol bla waqfien, determinazzjoni, paċenzja u ħafna ħin. Il-filmat juri lil Jasmine f’mument ta’ progress li għal ħafna jista’ jidher żgħir, iżda għaliha u għal dawk li jifhmu l-vjaġġ tagħha, hu pass kbir ’il quddiem. […]