Ixxerja

“Mhux sena faċli, imma waħda mimlija passjoni.” Hekk jista’ jiġi deskritt il-messaġġ sinċier li qasam Joseph Calleja fuq il-midja soċjali, fejn żvela li fl-2025 kważi laħaq il-100 titjira — b’waħda mill-aħħar vjaġġi tas-sena tiegħu twasslu Frankfurt.

Bejn ajruplani, lukandi u x-xeni tal-palk madwar id-dinja, Joseph ammetta wkoll li ilu jissielet ma’ infezzjoni fis-sider li donnha ma tridx tgħaddi. Esperjenza li ħafna jistgħu jirrelataw magħha, speċjalment f’dan iż-żmien tas-sena li donnu l-mard ma jrid iħallina b’xejn. Madankollu, minkejja kollox, il-ferħ li jerġa’ jkun fuq il-palk għal Calleja baqa’ akbar.

It-tenur Malti rrakkonta kemm kien mument sabiħ li reġa’ kanta ma’ kast li ddeskrivieh bħala sublimi waqt produzzjoni f’Oper Frankfurt. U f’dawk il-mumenti straordinarji, bejn belt u oħra, sab il-kalma tiegħu fil-mużika — “Radiohead in my ear”, kiteb, bħala mument żgħir ta’ silenzju u riflessjoni.

Messaġġ li mhux  biss juri l-artist internazzjonali, iżda l-karattru tal-bniedem wara l-vuċi: determinat, onest, u dejjem iġorr lil Malta miegħu, anke fl-aktar ġranet diffiċli u impenjattivi. 🎶✈️

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

“Irkoppa Ġdida, Bidu Ġdid” – Gillian Attard Tħabbar Operazzjoni Importanti

Eileen Cumbo Salerno Ilbieraħ

B’messaġġ onest u mimli sens ta’ umoriżmu, l-għalliema tal-vuċi u l-kompożitriċi Gillian Attard qasmet kapitlu personali diffiċli minn ħajjitha, hekk kif ħabbret li se tgħaddi minn operazzjoni ta’ tibdil totali ta’ sostituzzjoni tal-irkoppa. Gillian spjegat kif għal aktar minn 20 sena kienet qed tgħix b’uġigħ kontinwu, problema li bdiet bla twissija u li maż-żmien kompliet taffettwa l-moviment […]