Christian Fenech, li ħafna Maltin jiftakruh bħala r-rebbieħ tal-programm popolari Liquorish 2022, qed jiċċelebra għeluq sninu llum filwaqt li wiċċu qed jidher ukoll fuq l-immaġni uffiċjali tal-kalendarju ta’ Ġunju ta’ Civil Protection Malta.
Fenech kien kiseb popolarità nazzjonali wara li rebaħ l-edizzjoni tal-2022 ta’ Liquorish, li segwewh eluf ta’ telespettaturi Maltin. L-esperjenza tiegħu fil-programm kienet wasslitu biex isir wieħed mill-aktar parteċipanti memorabbli ta’ dik l-edizzjoni.
Illum, lil hinn mid-dinja tat-televiżjoni, Christian huwa magħruf ukoll għall-impenn tiegħu ma’ Civil Protection Malta. Fil-fatt, l-entità għażlet ritratt tiegħu bħala l-immaġni uffiċjali tal-kalendarju għal dan ix-xahar, ritratt li juri l-preparazzjoni, id-dixxiplina u l-ħidma li jwettqu l-membri tagħha ta’ kuljum.
F’jum speċjali bħal dan, ħafna żgur li se jiftakru kemm fil-vjaġġ tiegħu fuq l-iskrin kif ukoll fil-kontribut tiegħu fis-servizz pubbliku. Min-naħa tagħna, nawguraw lil Christian Fenech għeluq snin mill-isbaħ mimli saħħa, suċċess u kuntentizza!
Fb/ Civil Protection Malta
