Ixxerja

Miriana Conte ħabbret uffiċjalment li se tkun qed toħroġ mini album ġdid u dan se jinkludi wkoll il-kanzunetta rebbieħa tal-Malta Eurovision Song Contest, Kant, flimkien ma’ numru ta’ kanzunetti ġodda.

Miriana qasmet l-aħbar eċitanti fuq Instagram, fejn żvelat it-tracklist u ħeġġet lill-partitarji bil-kliem, “By itself, number 8… mini album incominggg.” Naturalment, il-kummenti ma damux ma mtlew b’entużjażmu u reazzjonijiet pożittivi.

Is-sena li għaddiet, Miriana rebħet il-Malta Eurovision Song Contest bil-kanzunetta Kant, kanzunetta li mill-ewwel spikkat għall-identità kuraġġuża u l-attitudni tagħha. Aktar tard, il-kanzunetta kellha tbiddel isimha għal Serving wara direttivi mill-European Broadcasting Union.

Għalkemm il-kanzunetta ma rebħitx il-finali tal-Eurovision Song Contest, xorta waħda rnexxielha tiġbed attenzjoni kbira u ġabet magħha tifħir kemm lokalment kif ukoll internazzjonalment. Dan ikkonferma lil Miriana bħala waħda mill-aktar artisti Maltin diskussi fl-aħħar snin fuq ix-xena tal-Eurovision.

Bil-mini album, jidher ċar li Miriana hija lesta tibni fuq dan il-momentum u toffri lis-segwaċi tagħha ħafna aktar mużika u kanzunetti oriġinali.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

CARNEVALE – Il-Gran Ballu Tal-Gran Mastru Se Jieħu L-Ħajja Fis-7 Ta’ Frar!

Emil Calleja Bayliss Illum

Is-7 ta’ Frar 2026 se jkun lejl mimli spettaklu, eleganza u misteru, hekk kif jinfetħu l-bibien ta’ Dar il-Mediterran għall-Konferenzi fil-Belt Valletta, magħrufa qabel bħala s-Sacra Infermeria, għal waħda mill-aktar esperjenzi li jdaħħluk f’atmosfera unika – CARNEVALE: Il-Gran Ballu tal-Gran Mastru. Immaġina lilek innifsek mal-kavallieri u n-nisa nobbli, fid-dawl dehbi u l-mużika li jiħduk lura […]