Lorinda Mamo hi waħda mill-personalitajiet magħrufa fuq il-midja soċjali li kontinwament taqsam bosta riflessjonijiet u ħsibijiet, li bla ma taf tkun qed tgħin lis-segwaċi. Mingħajr ma taf, kienet u għadha ta’ ispirazzjoni għal ħafna nies.
Waħda mix-xewqat tagħha saret realtá wkoll, fejn tkellmet fil-pubbliku waqt preżentazzjoni ta’ TEDxUniversityofMalta. “Għadni ma nistax nemmen li minkejja l-ħajja tefgħetni fi triq kompletament differenti, xorta spiċċajt fuq dan il-palk,” tikteb Lorinda.
Tkompli billi tagħti parir ta’ kuraġġ u tama lil dawk li forsi għandhom xi ambizzjoni. “Xi drabi, il-mod kif tasal ‘hemm’ (ikun fejn ikun) mhuwiex il-mod kif timmaġina. Madanakollu, ibqa’ leali lejk innifsek, kompli esponi lilek innifsek, u ħalli l-istorja tiżvolġi – u l-ħajja tissorprendik.”
Lorinda kellha preżentazzjoni bit-titlu: Storja ta’ Qawwa u Reżiljenza. Kull min isegwi lil Lorinda fuq Instagram, jaf li l-istorja tagħha hi tassew ta’ kuraġġ u tama għalina lkoll. Prosit Lorinda!
View this post on Instagram
