Ixxerja

Meta tagħlaq sninek, ma jfissirx biss ix-xemgħat fuq il-kejk, ir-rigali jew il-festa, iżda dan ikun wkoll mument sabiex tieqaf ftit, tħares lura lejn dak li għaddejt minnu u tapprezza lin-nies li kienu parti minn ħajtek. Hekk għamlet, l-MP Bernice Bonello li llum għadha kemm għalqet 29 sena.

F'dan il-jum speċjali għażlet li twassal messaġġ sempliċi iżda sabiħ lil dawk kollha li ftakru fiha. Permezz ta’ kliemha, Bernice rringrazzjat mill-qalb lil kull min ċempilha, bagħtilha messaġġ jew awguralha f’għeluq sninha.

Għax kultant messaġġ qasir, telefonata jew sempliċi “awguri” jkunu biżżejjed biex iħallu tbissima fuq wiċċ xi ħadd u jfakkruh kemm hu maħbub u apprezzat.

29 sena huma kapitlu ieħor f’ħajjitha, b’ħafna memorji warajha u ħafna oħrajn għad iridu jinkitbu u forsi l-isbaħ parti minn dan kollu hi li, f’ġurnata tagħha, Bernice għażlet li taħseb f’dawk li ħasbu fiha.

It-Tim ta' Gwida.mt jawgura l-isbaħ xewqat lill-MP Bernice Bonello, filwaqt li jixtieqilha sena mimlija mħabba, hena u ġid.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

“Lest Nagħti Ħajti Biex Inġibek Lura, Imma Ma Nistax” – Missier Gil Dave B’Messaġġ Għat-Tieni Anniversarju Mill-Mewt…

Matthea Grech Illum

Hemm telfiet li ż-żmien ma jħassarhomx, iżda sempliċement jgħallem lill-bniedem jgħix magħhom. Għal missier Gil Dave Spiteri, it-tifkira ta’ ibnu għadha waħda li ġġorr magħha ħafna emozzjonijiet w uġigħ.F’kitba mill-qalb, huwa reġa’ fakkar lil ibnu, li ħalla din id-dinja fl-età żgħira ta’ 21 sena, fl-14 ta’ Settembru 2024. Il-kliem tiegħu juri kemm hija profonda l-weġgħa […]