Ixxerja

George Curmi, magħruf aħjar bħala l-Puse', u martu qed jgħixu mument mill-isbaħ hekk kif saru nanniet għall-ewwel darba. Binthom Miriana welldet tifel li semmewh Leonardo.

L-aħbar ferriħija tħabbret mir-raġel ta' Miriana permezz tal-midja soċjali, fejn żvela li Leonardo twieled fis-12:08 u li kemm it-tarbija kif ukoll l-omm jinsabu f'saħħithom.

Fil-messaġġ tiegħu, huwa rringrazzja lill-istaff tal-Isptar Mater Dei tal-kura u s-sapport li tawhom matul dan il-mument speċjali. Esprima wkoll il-gratitudni tiegħu lejn Alla għal din il-barka u faħħar il-kuraġġ, is-saħħa u l-bravura ta' martu waqt it-twelid.

"Merħba fid-dinja, Leonardo. Inħobbuk aktar milli l-kliem jista' jesprimi," temm jgħid fil-messaġġ emozzjonanti tiegħu.

Minn naħa tagħna, nawguraw lil George Curmi, lil martu, lill-ġenituri l-ġodda u lill-familja kollha prosit kbir għal din il-wasla tant mistennija, filwaqt li nawguraw lil Leonardo ħajja mimlija saħħa, mħabba u hena.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Teddy Teuma Mistenni Jingħaqad Ma’ Sliema Wanderers F’Wieħed Mill-Akbar Trasferimenti Fil-Futbol Malti

Eileen Cumbo Salerno Illum

Sliema Wanderers jinsabu mistennija jħabbru l-iffirmar tal-midfielder internazzjonali Malti Teddy Teuma.It-trasferiment tal-plejer ta’ 32 sena qed jitqies bħala wieħed mill-aktar importanti li qatt għamel klabb Malti f’dawn l-aħħar snin. Imwieled fi Franza, Teuma beda l-karriera tiegħu ma’ Hyères, Boulogne u Red Star, qabel ingħaqad ma’ Union Saint-Gilloise fil-Belġju, fejn saħansitra kien inħatar captain tat-tim. Wara […]