Ixxerja

Skont informazzjoni ppubblikata minn MAViO News, il-linja tal-ajru Qatar Airways qed tippjana li tissospendi s-servizz tagħha lejn Malta matul l-istaġun tas-sajf li ġej.

Sorsi qrib is-settur tal-avjazzjoni kkonfermaw li bħalissa għaddejjin diskussjonijiet interni dwar din id-deċiżjoni. Minkejja dan, għad hemm ftit tama li r-rotta bejn Doha u Malta tista’ terġa’ tibda mill-15 ta’ Settembru 2026. Għaldaqstant, dan jiddependi minn approvazzjoni finali mill-uffiċċju reġjonali tal-linja tal-ajru.

B’din id-deċiżjoni, Malta se tkun qed titlef ir-rabtiet tagħha ma’ pajjiżi  importanti fosthom dawk mal-Lvant Nofsani u lil hinn. Sadanittant, Malta International Airport jibqa’ ċentru kruċjali għall-ivvjaġġar lejn u minn Malta u kull bidla fir-rotot ta’ linji tal-ajru ewlenin bħal din tkun qed tiġi osservata mill-qrib minn dawk kollha involuti fis-settur turistiku u kummerċjali.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

Tabella Bil-Verżjoni Maltija Fuq Dik Ingliża Tispiċċa Tisraq L-Attenzjoni Fl-Ajruport Ta’ Malta

Eileen Cumbo Salerno Illum

“Biljetti / Tickets” huma żewġ kelmiet li, għal ħafna, jistgħu jidhru ordinarji. Iżda għal oħrajn, huma simbolu ċar ta’ kif il-lingwa Maltija tista’ tingħata l-importanza li jistħoqqilha, anke f’ambjenti moderni u internazzjonali. Din it-tabella li dehret riċentament fl-Ajruport ta’ Malta qanqlet reazzjoni pożittiva fuq il-midja soċjali, mhux biss għax intuża l-Malti, iżda għax tagħtih prijorità […]