Ixxerja

Minn għada jibdew l-eżamijiet tal-kitba tas-SEC, mument importanti ħafna fil-ħajja ta’ bosta studenti madwar Malta u Għawdex.

Din il-fażi timmarka pass kruċjali fil-mixja edukattiva tagħhom, wara xhur twal ta’ studju, preparazzjoni u sagrifiċċji. Għal ħafna, dawn l-eżamijiet mhux biss huma test tal-għarfien tagħhom, iżda wkoll sfida personali fejn jitgħallmu jikkontrollaw l-istress u jagħtu l-aħjar tagħhom taħt pressjoni.

Fuq il-midja soċjali, diġà bdew jidhru diversi messaġġi ta’ kuraġġ u appoġġ, fosthom mill-paġna Is-Servizz Pubbliku li ħeġġet lill-pubbliku biex jawgura lil dawk kollha li se jagħmlu dawn l-eżamijiet.

Bla dubju, dan hu żmien ta’ tensjoni għal ħafna studenti, iżda wkoll opportunità biex juru x-xogħol kollu li għamlu matul is-sena. Importanti li jibqgħu kalmi, jistrieħu sew u jidħlu għall-eżamijiet b’moħħ ċar u pożittiv.

Nawguraw suċċess kbir lill-istudenti kollha li se joqogħdu għal dawn l-eżamijiet! Dan huwa l-mument tagħkom: “Agħmlu l-almu tagħkom u afdaw fikom infuskom.” 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

Mistenni Riħ Aktar Qawwi Fil-Jiem Li Ġejjin, B’Possibbiltà Ta’ Burraxki Minn Għada

Eileen Cumbo Salerno Illum

Jidher li matul is-sigħat li ġejjin it-temp se jibda jinbidel ftit, speċjalment fejn jidħol ir-riħ. Matul il-lejl, ir-riħ mistenni jissaħħaħ gradwalment u jibda jinħass aktar, partikolarment f’żoni miftuħa u qrib il-baħar. Sa għada, dan jista’ jilħaq madwar Forza 4, jiġifieri riħ moderat li diġà jinħass sew meta tkun barra. Dan it-tip ta’ riħ ġeneralment iġib miegħu […]