L-istorja ta’ Stranger Things tista’ tkun waslet fi tmiemha, iżda l-istorja għadha ma ratx it-tmiem tagħha minn kull aspett. Minbarra Stranger Things: Tales from ’85, serje animata li diġà tħabbret, id-Duffer Brothers qed jaħdmu wkoll fuq spin-off li se jorbot ma’ punt importanti li baqa’ mhux solvut fl-istorja.
F’intervista ma’ The Hollywood Reporter, Matt Duffer spjega li l-ispin-off se jwieġeb mistoqsijiet pendenti dwar il-blata li sab Henry, li tatlu l-poteri tiegħu u rabtitu ma’ Dimension X u l-Mind Flayer. Hu qal li dan kien element li tħalla apposta fil-finali, peress li kien diġà ppjanat li jkun marbut mas-serje l-ġdida. Għalkemm l-ispin-off mhux se jkun dwar il-blat jew il-minjieri tiegħu, din hija l-“loose end” ewlenija li se tiġi spjegata.
Matt Duffer żied jgħid li s-serje l-ġdida se toħloq mitoloġija kompletament ġdida. Madankollu, se tibqa’ marbuta mal-univers ta’ Stranger Things u se tipprovdi tweġibiet għal xi mistoqsijiet li baqgħu miftuħa. L-ispin-off mhux se jiffoka direttament fuq il-Mind Flayer jew l-Upside Down, iżda mistenni li jagħti aktar ċarezza, b’mod partikolari dwar il-memorji u l-passat ta’ Henry.
Facebook / Stranger Things Memes, Cosmopolitan “Duffer Brothers Reveal ‘Stranger Things’ Spinoff With “New Characters, New Town, New World”
