Ixxerja

Mara ta’ 40 sena li kienet qed tieħu ħsieb tarbija ta’ 11-il xahar bħalissa tinsab arrestata wara li ħalliet lill-istess tarbija maqfula għall-ħin twil ġewwa karozza. Flimkien mat-tarbija kien l-kelb ta’ din il-mara li sfortunatament miet ukoll. Kristen Danielle Graham kienet mitluba tieħu ħsieb lil din it-tarbija minn omm it-tarbija stess li hija tfajla ta’ 17-il sena.

Qed jingħad li Graham marret tixtri s-sigaretti fejn magħha kien hemm din it-tarbija u minn hemm saqet bil-karozza tagħha lejn darha, għall-ħabta tat-tmienja u nofs ta’ filgħaxija. Hawn hi għalqet it-twieqi tal-karozza fejn qaflet lit-tarbija flimkien mal-kelb. Għas-satgħejn u nofs ta’ filgħodu, Graham irċeviet telefonata u wara marret ħdejn il-karozza fejn sabet lit-tarbija kif ukoll lill-kelb mejtin.

Ixxerja

Miktub Minn

Charlton Cefai

Student tal-liġi, jħobb is-safar kif ukoll għandu għal qalbu ferm il-letteratura Maltija. Iħobb isegwi ferm id-dinja tal-ispettaklu kemm nazzjonali kif ukoll internazzjonali, b’mod speċjali fejn jidħol il-qasam tal-mużika. Fil-ħin liberu jħobb jikteb u jaqra jew inkella jara xi dokumentarju.

Issa

Fil-Brażil, Jiġi Deċiż Li Min Jabbuża Minn Klieb U Qtates Jista’ Jispiċċa L-Ħabs Sa Ħames Snin!

Eileen Cumbo Salerno Ilbieraħ

Il-Brażil kompla jsaħħaħ il-protezzjoni tal-annimali domestiċi permezz ta’ liġi li timponi pieni ferm aktar ħorox fuq min jinstab ħati li jabbuża minn klieb jew qtates. Skont il-liġi tagħhom, persuni li jwettqu atti ta’ moħqrija jew vjolenza fuq dawn l-annimali jistgħu jaffaċċjaw bejn sentejn u ħames snin ħabs, multi finanzjarji u anke projbizzjoni milli jżommu annimali fil-futur.  […]