Ixxerja

Il-paġna It-Temp Madwarna ġibdet l-attenzjoni lejn sensiela ta’ avvenimenti naturali li seħħew f’partijiet differenti tad-dinja fl-aħħar jiem, fosthom żbroffi vulkaniċi u terremoti.

Skont il-paġna, bejn it-3 u l-4 ta’ Awwissu seħħ żbroff maġġuri mill-vulkan Fuego fil-Gwatemala, fl-Amerka Ċentrali. Dan huwa vulkan magħruf għall-attività frekwenti tiegħu.Ftit jiem wara, kien hemm attività wkoll mill-Etna fi Sqallija, wieħed mill-aktar vulkani attivi fl-Ewropa.

Il-paġna rreferiet ukoll għal terremot fil-Kolombja, li skontha kejjel 7.4 fuq l-Iskala Richter. Dan seħħ ftit ġimgħat wara terremot qawwi ieħor li kien irrappurtat fil-Venezwela. Mal-istess messaġġ ittellgħu wkoll ritratti tal-vulkan Fuego fil-Gwatemala u ta’ katidral fil-Kolombja wara t-terremot.

“Nitolbu għalihom!” temmet tgħid il-paġna fil-messaġġ tagħha, b’ħsieb lejn dawk kollha milquta minn dawn l-avvenimenti.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Is-Sur Cassar Ilu Kunsillier Sa Mit-Twaqqif Tagħhom, Mill-1994” – Il-Kunsill Lokali Tar-Rabat Jiddispjaċih Għat-Telfa…

Matthea Grech Illum

Is-Sindku, il-Viċi Sindku, il-kunsillieri u l-membri kollha l-oħra tal-Kunsill Lokali, esprimew is-sogħba tagħhom għat-telfa tal-għażiż kollega tagħhom, is-Sur Nazju Cassar.Is-Sur Cassar kien ilu jservi bħala kunsillier sa mit-twaqqif tal-Kunsilli Lokali fl-1994, u matul dawn is-snin ta s-sehem tiegħu b’impenn u lealtà lejn il-politika lokali.Il-Kunsill fakkar kif Nazju Cassar kien jagħti l-kontribut ġenwin tiegħu b’dedikazzjoni, filwaqt […]