Il-Programm ta’ Tagħlim u Parteċipazzjoni TOI TOI tat-Teatru Manoel jippreżenta Collar, produzzjoni mmirata lejn udjenzi żgħażagħ minn 12-il sena ’l fuq, li tesplora l-isfidi u l-opportunitajiet marbuta mal-għażla tal-karriera t-tajba.
Taħt it-tmexxija tal-Produttriċi Kreattiva Sarah Grech, Collar jistieden lill-udjenzi żgħażagħ jirriflettu fuq il-ħajja minn perspettivi differenti u f’diversi stadji tagħha, filwaqt li jħeġġiġhom jieħdu pass lura u jħarsu lejn l-istampa sħiħa meta jiġu biex jieħdu deċiżjonijiet importanti dwar il-futur tagħhom.
Permezz tal-esplorazzjoni ta’ tliet tipi differenti ta’ professjonijiet: blu, abjad u isfar, il-produzzjoni tqajjem mistoqsijiet li jqanqlu l-ħsieb dwar l-għażliet tal-karriera, l-aspettattivi u l-possibbiltà li wieħed jagħżel triq differenti.
Liema professjoni se tagħżel? U x’jiġri jekk tinduna li l-għażla tiegħek mhijiex dik li tassew tgħodd għalik?
Collar se tittella’ nhar is-Sibt, 14 ta’ Novembru 2026, fil-17:00, fl-Istudio Theatre tat-Teatru Manoel, il-Belt Valletta.
Ibbukkja l-biljetti tiegħek issa mill-Booking Office tat-Teatru Manoel jew online fuq www.teatrumanoel.mt
