F’post ippubblikat minn Infrastructure Malta, tħabbar li bejn il-Ħamis 5 ta’ Frar 2026 u l-Ħamis 12 ta’ Frar 2026, Triq Il-Ġdida f’Ħal Qormi se tkun magħluqa għat-traffiku kuljum bejn l-10.00 ta’ filgħodu u l-17.00 ta’ wara nofsinhar.
L-għeluq temporanju huwa meħtieġ sabiex isiru xogħlijiet ta’ kisi b’wiċċ t’asfalt ġdid.
Infrastructure Malta spjegat li dawn ix-xogħlijiet jiffurmaw parti minn programm ta’ manutenzjoni u titjib tan-netwerk tat-toroq, bil-għan li titjieb is-sigurtà u l-kwalità tal-infrastruttura f’din iż-żona.
Matul dan il-perjodu, se jkun hemm restrizzjonijiet fuq l-aċċess għat-triq affettwata.
Il-pubbliku huwa mħeġġeġ jippjana l-vjaġġi tiegħu minn qabel u juża rotot alternattivi, b’mod partikolari Triq Il-Vitorja f’Ħal Qormi.
Infrastructure Malta rringrazzjat lill-pubbliku għall-koperazzjoni u l-fehim tiegħu waqt li jkunu qed jitwettqu dawn ix-xogħlijiet.
Mappa bid-dettalji tat-toroq affettwati hija disponibbli HAWN
Facebook/ Infrastructure Malta
