Jagħlaq sninu l-preżentatur Ivan Gaffiero; raġel li tant iħoss għall-proxxmu u kontinwament jirsisti u jagħmel kulma hu possibbli biex ikun hemm għal ħaddieħor, speċjalment min qed isofri.
Hu kiteb messaġġ fejn jesprimi gratitudni għal kull min juri tant imħabba lejh u anke bagħatlu x-xewqat sbieħ.
"Illum wasalt fil-bidu ta’ sena oħra għalija. Jalla jkolli x-xorti nibqa’ dejjem qrib tagħkom, nismagħkom, inkellimkom u naqsam magħkom kemm il-mumenti sbieħ kif ukoll dawk diffiċli. Grazzi minn qalbi għax diġà ħallejtuni bla kliem bil-messaġġi, l-awguri, l-imħabba u l-apprezzament kollu li qed nirċievi."
Ivan ikompli, "L-ewwel ħsieb li ġie f’moħħi dalgħodu kien: 'Grazzi Mulej, kif għandi tant nies li japprezzawni u jħobbuni.' Ma nistax nitlob għal aktar. Grazzi poplu għażiż tiegħi."
Awguri mill-qalb Ivan!
Facebook / Ivan Gaffiero
