Ixxerja

Hekk kif is-sajf dalwaqt jasal fi tmiemu u qed toqrob is-sena skolastika l-ġdida, is-sindku tal-belt ta' New York fl-Amerika għadu kif ħabbar li l-iskejjel pubbliċi se jkunu qiegħdin jipprojbixxu l-użu tal-AI għat-tfal tat-tmien sena matul din is-sena.

Is-sindku tal-belt ta' New York Zohran Mamdani saħaq li matul din is-sena se jkun qed jiġi studjat l-impatt li l-projbizzjoni tal-AI se tħalli fuq l-istudenti. Hu sostna li l-ġganti tat-teknoloġija qiegħdin jixprunaw din il-fehma żbaljata li l-ħakma tal-AI mhux biss hija inevitabbli, iżda neċessarja. "Aħna m'aħniex qed naraw li dan hu minnu," sostna s-sindku.

Kompla jtenni l-importanza ta' din il-miżura wkoll il-Kanċillier tal-Iskejjel Pubbliċi fil-belt ta' New York. Hu saħaq li din il-miżura se tgħin sabiex l-istudenti jerġgħu jingħataw spazju sabiex jiżviluppaw il-ħsieb kritiku tagħhom; ħila li hu ddeskriva bħala "neċessarja" sabiex l-istudenti jiggradwaw b'suċċess.

Taħsbu li fl-iskejjel Maltin għandna ndaħħlu miżuri simili?

Sors: ABC News

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

90.5% Tal-Maltin Jemmnu F’Alla… Żgħażagħ Bejn Is-16 U L-25 Sena Fost L-Inqas Li Jemmnu

Cristian Tonna Illum

Statistiċi li ġew ippublikati dalgħodu juru li 90.5% tal-Maltin jemmnu f’Alla. Dan filwaqt 5.6% qalu li ma jemmnux u 3.9% esprimew sens ta’ indeċiżjoni dwar it-twemmin tagħhom f’Alla.L-istatistika osservat ukoll kif l-inqas parti tas-soċjetà li temmen f’Alla hi dik li tikkonsisti ta’ żgħażagħ bejn l-età ta’ 16 u 25 sena; fil-fatt, kienu biss 77.3% taż-żgħażagħ […]