Ixxerja

Fl-2024, 463 passiġġiera li kellhom titjiriet ikkanċellati jew imdewma irċevew flus lura grazzi għall-għajnuna tal-MCCAA. B’kollox, l-Awtorità rnexxielha tirkupra aktar minn €135,000 għal dawn il-każijiet.

Dan ġie rrappurtat waqt konferenza interna tal-MCCAA fejn ġie ppreżentat ir-Rapport Annwali tal-Awtorità. Matul is-sena, il-MCCAA qdiet mal-10,000 konsumatur u wettqet aktar minn 38,000 spezzjoni madwar Malta u Għawdex. Kien hemm ukoll aktar minn 800 ilment relatat ma’ prodotti mixtrija online minn barra, li ġew trattati permezz taċ-Ċentru Ewropew għall-Konsumatur.

Is-Segretarju Parlamentari Andy Ellul faħħar il-ħidma tal-MCCAA fl-2024 u qal li ċ-ċifri jitkellmu waħedhom, hekk kif l-Awtorità kompliet tipproteġi d-drittijiet tal-konsumaturi u ttejjeb is-servizzi li toffri.

Il-konferenza serviet ukoll biex tenfasizza kif l-MCCAA qed toffri servizzi aktar aċċessibbli, tonfoq inqas ħin biex tirrispondi għall-ilmenti, u tkompli tibni fiduċja mal-pubbliku.

L-Eżekuttiv Chairperson tal-MCCAA, Carmen Ciantar, faħħret ix-xogħol tal-impjegati tagħha u qalet li l-impenn tagħhom qed jagħmel differenza reali fil-ħajja tal-konsumaturi ta’ kuljum.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Ċiklisti Maltin Lesti għall-Isfida Leġġendarja tal-Cape Epic

Rowena Grech Ilbieraħ

Abs Cape Epic ittella’ din l-aħbar dwar sfida li ser ikunu qed jaffaċjaw Luke Borg flimkien maċ-ċiklist b’ esperjenza Mark Bonnici fejn ser ikunu qed jikkompetu f’tellieqa fin-naħa ta’ isfel tas-South Afrika.“Il-Kampjonat Nazzjonali tal-Mountain Bike ta’ Malta, Luke Borg, flimkien maċ-ċiklista b’esperjenza Mark Bonnici, se jagħmlu d-debutt tagħhom fit-tellieqa rinomata madwar id-dinja Absa Cape Epic […]