Ixxerja

L-Iskola Primarja Dun Karm Psaila f’Ħaż-Żebbuġ kitbet isimha fil-ktieb tar-rekords hekk kif stabbiliet rekord nazzjonali ġdid fil-gżejjer Maltin. Dan wara li seba’ studenti tal-primarja rnexxielhom joħolqu l-itwal katina tal-ganċ fl-inqas ħin, b’tul impressjonanti ta’ 504 metri li tlestiet f’8 sigħat u 24 minuta biss.

Ir-rekord ġie rikonoxxut minn The Malta Records, li kienu mistiedna mill-iskola biex jippreżentaw uffiċjalment dan il-kisba. L-istudenti li ħadu sehem huma Jerome Mifsud, Charlotte Mifsud, Paula Agius, Maya Dibben, Paula Angela Fenech, Khloe Vella u Nia Bonello.

Din l-inizjattiva mhux biss turi d-dedikazzjoni u l-ħiliet ta’ dawn it-tfal, iżda wkoll twassal messaġġ importanti dwar il-valur ta’ passatempi tradizzjonali. Minkejja l-avvanzi fit-teknoloġija, l-attività wriet li għad hemm spazju għal arti u snajja’ li darba kienu ferm popolari fil-ħajja ta’ kuljum.

The Malta Records irringrazzjaw lill-iskola u lill-istudenti kollha involuti għal din l-isfida kreattiva u ispiranti.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Kemm Għandi Xortija Tajba. 4 Snin Illum.” – Clayton Pace

Rowena Grech Illum

L-attur Clayton Pace, mill-pjattaforma tiegħu, itella’ ritratt flimkien ma’ martu filwaqt li juri gratitudni lejn il-fatt li ilhom 4 snin miżżewġa. Clayton u Lenies Pace mhux l-ewwel darba li rajniehom jaħdmu fuq xi dramm flimkien. Dan juri li hemm passjoni kbira li jaqsmu bejniethom. “Kemm għandi xortija tajba. 4 snin illum.” L-anniversarju huwa jum speċjali […]