Ixxerja

L-Arċisqof Charles Scicluna tkellem dwar ix-xeni li fl-aħħar jiem qajmu diskussjoni dwar ċerti spettakli li qed isiru fit-toroq tal-Belt Valletta.

Skont sorsi fuq il-midja soċjali, waqt intervista, l-Arċisqof sostna li filwaqt li s-soċjetà qed tinbidel u tevolvi maż-żmien, id-dinjità tal-bniedem għandha tibqa’ valur fundamentali li jiġi rispettat dejjem. “Dawn ma kinux xeni ta’ manifestazzjoni kulturali. Ma jagħmlux ġieħ u mhumiex sinjal ta’ progress,” żied jgħid l-Arċisqof. 

Il-kummenti tiegħu saru fid-dawl tal-kontroversja li nqalgħet dwar spettakli burlesque fit-triq fejn tinsab il-Knisja ta’ Ġieżu fil-Belt, li fl-aħħar jiem qanqlu diversi reazzjonijiet fuq il-midja soċjali. Huwa appella wkoll għas-sens komun u għall-koperazzjoni bejn l-entitajiet responsabbli sabiex il-liġijiet jiġu rispettati u infurzati. Jistqarr li dawn mhumiex xeni kulturali iżda ta’ burdell u dawn it-tip ta’ xeni jekk isiru, għandhom iseħħu f’ambjent ieħor adattat.

Huwa jtemm il-messaġġ tiegħu b'enfasi fuq ir-rispett lejn id-dinjità tal-persuni kif ukoll lejn l-ambjent li jkun qed jintuża.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Tħabbret Il-Mewt Ta’ Joseph Camilleri, Bastjaniż Li Kien Tant Għal Qalbu L-Każin Pinto

Eileen Cumbo Salerno Illum

Is-Soċjetà Filarmonika Pinto Banda San Sebastjan sellmet il-memorja ta’ Joseph Camilleri, magħruf ma’ ħafna bħala Joe, li ħalliena fl-età ta’ 73 sena.Joe kien Bastjaniż ġenwin u persuna li għal snin twal tat sehemha fi ħdan is-soċjetà. Kien wiċċ familjari fil-każin, fejn kien jattendi ta’ kuljum u minkejja d-diffikultajiet fiżiċi tiegħu, kien dejjem lest li jgħin […]