Ixxerja

Is-Soċjetà Filarmonika Pinto Banda San Sebastjan sellmet il-memorja ta’ Joseph Camilleri, magħruf ma’ ħafna bħala Joe, li ħalliena fl-età ta’ 73 sena.

Joe kien Bastjaniż ġenwin u persuna li għal snin twal tat sehemha fi ħdan is-soċjetà. Kien wiċċ familjari fil-każin, fejn kien jattendi ta’ kuljum u minkejja d-diffikultajiet fiżiċi tiegħu, kien dejjem lest li jgħin bl-aħjar mod possibbli.

Is-soċjetà fakkret ukoll kemm Joe kien jgħożż is-sens ta’ komunità fi ħdan il-Familja Bastjaniża. Saħansitra kien jiftakar l-għeluq snin ta’ diversi membri u anke ta’ membri tal-familji tagħhom. Joe baqa’ preżenza kostanti fil-każin sakemm saħħtu ppermettietlu u tul is-snin kiseb l-imħabba u r-rispett ta’ dawk li kienu jafuh.

Il-funeral tiegħu se jsir għada, il-Ġimgħa 31 ta’ Lulju, fil-Knisja Arċipretali ta’ San Sebastjan, b’ċelebrazzjoni li tibda fit-8:30 ta’ filgħodu. Kondoljanzi lill-familja, qraba u lil dawk kollha li kienu jafu u jħobbu lil Joe. Jistrieħ fis-sliem!

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

 “Se Jitħallew Klieb Kbar Jivvjaġġaw Fil-Kabina” – ITA Airways

Eileen Cumbo Salerno Illum

Kull min irabbi l-klieb kbar jaf kemm żgur kemm tista’ tkun diffiċli li jippjana safra miegħu, iżda ITA Airways għadha kemm għamlet pass interessanti ħafna għal din is-sitwazzjoni.Il-linja tal-ajru Taljana nediet servizz ġdid bl-isem Large Dog On Board li se jippermetti li klieb li jiżnu sa 30kg se jkunu jistgħu jivvjaġġaw fil-kabina ħdejn sidhom, mingħajr ma […]