Il-Ministeru tal-Agrikultura ppubblika abbozz ta’ linji gwida dwar iż-żamma ta’ annimali salvaġġi fiż-żoos għall-konsultazzjoni pubblika.
L-għan ta’ dawn ir-regoli l-ġodda huwa “li tipproteġi l-fawna selvaġġa u li tikkonserva l-bijodiversità billi tipprovdi għall-adozzjoni ta’ liċenzjar, reġistrazzjoni u spezzjoni taż-żoos fit-territorju ta’ Malta sabiex jissaħħaħ ir-rwol taż-żoos fil-konservazzjoni tal-bijodiversità; biex tipproteġi s-saħħa tal-annimali u tipproteġi lill-pubbliku minn dawn l-annimali."
Kull annimal misjub jew maħsub biex jinżamm f'żoo liċenzjat jaqa' taħt dawn ir-regolamenti ġodda. L-ebda annimal perikoluż m'għandu jiġi esebit fiż-żoo qabel ma jkun ġie rreġistrat fir-Reġistru ta' Annimali Perikolużi flimkien ma' approvazzjoni bil-miktub meħtieġa mid-Direttur tas-Servizzi Veterinarji. Sa issa, tajjeb li ngħidu li ma kien jeżisti reġistru tat-tip.
Barra minn hekk, l-annimali kollha kkwalifikati bħala perikolużi għandhom jiġu msewwija fi żmien sitt xhur biex ma jitgħammrux fil-magħluq u dan ikun ipprojbit. Assigurazzjoni hija obbligatorja biex iż-żoos ikunu liċenzjati. Jekk xi ħadd jikser id-dispożizzjonijiet, wara kundanna, jeħel multa ta' mhux inqas minn € 23,293.73.
Il-pubbliku qed jiġi mistieden jirrevedi r-regoli u jagħmel is-sottomissjoni tiegħu sas-7 ta' Diċembru HAWN. Taqbel?
