Ixxerja

Valletta FC sellmu uffiċjalment lil Rowen hekk kif il-vjaġġ tiegħu mal-klabb wasal fi tmiemu wara diversi snin ta’ servizz u suċċessi.

F’messaġġ fuq il-midja soċjali, il-klabb irringrazzja lill-plejer għall-kontribut kbir tiegħu matul iż-żmien li qatta’ liebes il-flokk abjad u aħmar. Rowen ingħaqad ma’ Valletta FC f’Jannar tal-2017 u minn dak iż-żmien ’l hawn għamel aktar minn 150 dehra mat-tim.

Matul il-karriera tiegħu ma’ Valletta, huwa kellu rwol importanti f’wieħed mill-aktar perjodi ta’ suċċess għall-klabb, fejn għen biex jintrebħu diversi unuri fosthom il-Kampjonat Premier, l-FA Trophy, is-Super Cup, it-titlu tal-Challenge League u l-Jubilee Cup.

Il-klabb sostna li flimkien mat-trofej, Rowen ħalla wkoll għadd ta’ memorji sbieħ li se jibqgħu mfakkra mill-partitarji u minn dawk kollha involuti fil-klabb.

Valletta FC awguraw lil Rowen u lill-familja tiegħu kull ġid għall-futur, filwaqt li rringrazzjawh għal dak kollu li ta lill-klabb matul dawn is-snin.

"Grazzi, Rowen," temm jgħid il-messaġġ tal-klabb.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

L-Età Tal-Irtirar Se Togħla Għal 70 Sena Fil-Ġermanja

Cristian Tonna Illum

Matul dawn l-aħħar ġimgħat, madwar id-dinja tqanqal dibattitu wara li l-Ġermanja esprimiet l-intenzjoni tagħha li fis-snin li ġejjin tgħolli gradwalment l-età tal-irtirar għal 70 sena.Il-gvern Ġermaniż iġġustifika d-deċiżjoni tiegħu billi rrefera għall-pressjoni eċċessiva li hemm bħalissa fuq is-sistema tal-pensjonijiet u fisser kif dan hu l-uniku mezz kif din is-sistema tista’ tiġi ssalvagwardjata.Intant, bosta esprimew it-tħassib […]