Maria D’Amato kitbet aġġornament dwar Daisy fuq il-paġna tagħha.
Hi kitbet, “Ilbieraħ l-għażiża Daisy kellha l-operazzjoni. Kellha pyometra u cystic lumps, li kollha tneħħew b’suċċess. B’rasi mistrieħa nista’ ngħid li l-operazzjoni marret tajjeb. Waqt li kienet taħt il-loppju, snienha tnaddfu wkoll għax kienu fi stat ħażin. Din it-tifla tidher li għaddiet minn ħafna.”
Żiedet tgħid, “Għadha tħossha għajjiena ħafna llum, xi ħaġa li kompletament mistennija, imma nittama li llum huwa biss il-bidu ta’ kapitlu iktar b’saħħtu u ta’ ferħ f’ħajjitha. Din l-operazzjoni kienet iċ-ċans li vera kellha bżonn.”
Hi rringrazzjat lil Dr Christa, il-Head Nurse Jaevin u Dr Anna għad-dedikazzjoni kbira tagħhom. Inżommu lil Daisy fit-talb tagħna biex tkompli tirkupra u tirċievi l-imħabba li jistħoqqilha!
Facebook / Innocent Paws – Maria D’Amato
