Ixxerja

Aktar minn 22,300 dokument tal-vot għadhom ma nġabrux sa dalgħodu. Dan tħabbar waqt konferenza tal-aħbarijiet indirizzata mill-Kummissjonarju Elettorali Prinċipali Joseph Camilleri fis-Sala tal-Għadd tal-Voti fin-Naxxar.

Camilleri spjega kif s’issa nġabru aktar minn 334,000 dokument tal-vot minn total ta’ aktar minn 356,800 dokument maħruġa għall-elezzjoni.

Huwa fakkar li minn nhar it-Tnejn sal-Ħamis, dawk li għadhom ma ġabrux id-dokument tal-vot tagħhom jistgħu jagħmlu dan mill-Uffiċċju Elettorali fin-Naxxar, filwaqt li votanti reġistrati f’Għawdex jridu jiġbruh mill-Uffiċċju Elettorali fir-Rabat.

Sal-Erbgħa li ġej, id-dokumenti tal-vot jistgħu jinġabru bejn it-8:00 u s-13:00, kif ukoll bejn it-15:00 u d-21:00.

Il-Ħamis, li se jkun l-aħħar opportunità biex jinġabar id-dokument tal-vot, il-ħinijiet se jkunu mit-8:00 sas-13:00 u mit-15:00 sa nofsillejl.

Il-Kummissjonarju Elettorali saħaq li mingħajr id-dokument tal-vot, wieħed ma jkunx jista’ jivvota nhar is-Sibt li ġej.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

L-MSPCA Twissi Dwar Żieda Fl-Annimali Li Qed Jinqatlu Minħabba Sewqan B’Veloċità Eċċessiva

Cristian Tonna Illum

Dalgħodu l-MSPCA ħarġet appell ta’ diżappunt fejn ħeġġet lill-pubbliku sabiex isuq b’iżjed kawtela u b’inqas veloċità għaliex wissiet li dan ix-xorta ta’ sweqan qed iwassal għal żieda fl-għadd ta’ annimali li qed jinqatlu fit-toroq Maltin. L-għaqda MSPCA fuq il-midja soċjali spjegat kif sa dalgħodu stess sabu qattusa bla ħajja wara li evidentament intlaqtet minn xi […]