Ixxerja

Matul il-Malta FA Awards 2026, il-ġurnalista sportiva u eks atleta nazzjonali Joanna Camilleri qasmet messaġġ personali u ta’ ispirazzjoni dwar il-vjaġġ tagħha fil-ġurnaliżmu sportiv u fid-dinja tal-isport.

Irrimarkat li issa ilha 25 sena taħdem fil-ġurnaliżmu sportiv, filwaqt li ddedikat ħajjitha wkoll għall-isport bħala atleta li rrappreżentat lil Malta f’kompetizzjonijiet internazzjonali, fejn kisbet diversi midalji u unuri personali.

“25 sena fil-ġurnaliżmu sportiv. Ħajja ddedikata għall-isport, kemm quddiem il-kamera kif ukoll nikkompeti biex nirrappreżenta lil pajjiżi bi kburija bħala atleta nazzjonali u nikseb midalji u unuri personali matul it-triq. F’kull kisba, valur wieħed dejjem iggwidani: nibqa’ umli, nibqa’ b’saqajja mal-art, u qatt ma nieqaf naħdem.”

Joanna sostniet ukoll li dejjem hemm xi ħaġa x’titgħallem mingħand ħaddieħor, irrispettivament mill-esperjenza li wieħed ikollu.

Fl-istess waqt, appellat biex persuna qatt ma tħalli n-negattività u l-għira jikkontrollawha.

Dwar il-professjoni tal-ġurnaliżmu, hija qalet li xogħol il-ġurnalist għandu jkun mibni fuq mistoqsijiet tajbin.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“X’Tixtiequ Li Jsir Mill-Moskea Ta’ Raħal Ġdid?” – Il-Mistoqsija Li Qed Toħloq Dibattitu Sħiħ Bħalissa!

Eileen Cumbo Salerno Illum

Fuq il-midja soċjali qed idur stħarriġ li qed jiġbed l-attenzjoni ta’ bosta Maltin dwar il-futur tal-Moskea ta’ Raħal Ġdid. L-istħarriġ ipoġġi quddiem in-nies tliet għażliet differenti: li l-binja tibqa’ kif inhi, li jiżdiedu aktar moskej, jew inkella li jitneħħew dawk li diġà hemm. Din il-mistoqsija wasslet għal ħafna kummenti u opinjonijiet differenti onlajn, b’uħud jisħqu […]