Ixxerja

Stephania ġiet inkurunata r-rebbieħa ta’ din il-ġimgħa ta’ Come Dine With Me Malta wara kompetizzjoni ferm viċin bejn il-kontestanti kollha.

B’total ta’ 30 punt, Stephania rnexxielha tieħu l-ewwel post u tħalli l-impressjoni tagħha fuq sħabha permezz tas-serata li organizzat, li għalqet bil-banda! Warajha, b’punt wieħed biss inqas, spiċċaw Marie Claire u Raymond li qasmu t-tieni post b’29 punt kull wieħed.

Kienet ġimgħa mimlija mumenti divertenti, ikel li qanqal l-aptit u personalitajiet differenti li żammew lit-telespettaturi jsegwu sal-aħħar. Ir-riżultati finali kienu fost l-aktar viċin li rajna fl-aħħar ġimgħat, u dan żied aktar tensjoni sal-mument tat-tħabbira tar-rebbieħ.

Prosit lil Stephania għar-rebħa tagħha! U intom, x’deherilkom minn din il-ġimgħa ta’ Come Dine With Me Malta? Qbiltu mar-riżultati finali jew kontu tagħtu r-rebħa lil xi ħadd ieħor?

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

TV

Come Dine With Me Malta Hu L-Aktar Programm Segwit Fuq L-Istazzjonijiet Kollha

Emil Calleja Bayliss Illum

Suċċess kbir għal Come Dine With Me Malta hekk kif il-produzzjoni ħabbret li l-programm sar l-aktar wieħed segwit fost il-programmi kollha fuq l-istazzjonijiet televiżivi Maltin. Permezz ta’ grafika li qasmet fuq il-midja soċjali, il-produzzjoni ċċelebrat din il-kisba b’messaġġ sempliċi iżda sinifikanti, “L-iktar programm segwit fost il-programmi kollha fuq l-istazzjonijiet kollha. Grazzi.” Din il-kisba tikkonferma l-popolarità […]