Ixxerja

Il-programm popolari Love Island Malta ħabbar skeda ġdida għax-xandir tal-episodji tiegħu, hekk kif id-drama fil-villa qed tkompli tikber aktar minn qatt qabel.

Mil-lum il-Ħamis 11 ta’ Ġunju, l-episodji ta’ matul il-ġimgħa se jibdew jixxandru kuljum fl-22:00 fuq TVM, filwaqt li l-programm tal-Ħadd se jixxandar fit-20:45.

Intant, is-Sibt mhux se jkun hemm xandira. L-avviż ġie maqsum fuq il-paġni uffiċjali tal-programm flimkien mal-kliem: “New times, same villa drama”, li jiżgura li minkejja l-bidla fil-ħinijiet, it-tensjoni, ir-relazzjonijiet u s-sorpriżi fil-villa se jibqgħu fiċ-ċentru tal-attenzjoni.

Love Island Malta kompla jikseb popolarità kbira fost it-telespettaturi Maltin, b’segwaċi jistennew kuljum biex jaraw l-iżviluppi ġodda fost il-koppji u l-kontestanti fil-villa.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Spettaklu

Cheryl Lofreda Tirbaħ L-Edizzjoni Ta’ Brillanti Dance Ta’ Din Is-Sena

Emil Calleja Bayliss Illum

Wara xhur ta’ spettaklu mill-aqwa, prestazzjonijiet impressjonanti u sfidi intensi, Brillanti Dance ħabbar lil Cheryl Lofreda bħala r-rebbieħa tal-edizzjoni ta’ din is-sena. Il-vjaġġ tagħha matul il-kompetizzjoni kien wieħed mimli emozzjonijiet u mumenti memorabbli, li wassluha biex fl-aħħar nett tgħolli t-trofew tant mixtieq u tikseb it-titlu ta’ Brillanti Dance 2026. Fit-tieni post spiċċa ż-żeffien Sqalli Francesco […]