Ixxerja

Awguri lill-kantant Malti Jason Scerri, li llum qed jiċċelebra għeluq sninu wara karriera mużikali li ħaditu lil hinn minn xtutna u wasslitu fuq il-palkijiet internazzjonali.

Jason huwa magħruf sew fix-xena lokali, mhux biss bħala ħu l-kantanta Debbie Scerri, iżda wkoll għall-vuċi b’saħħitha u l-preżenza tiegħu fuq il-palk. Matul is-snin huwa għamel isem għalih innifsu barra minn Malta, fejn kien jgħix għal numru ta’ snin u jieħu sehem f’diversi produzzjonijiet.

Minkejja l-karriera internazzjonali tiegħu, Jason baqa’ dejjem qrib il-pubbliku Malti. Fil-fatt, f’dawn l-aħħar snin rajnieh jirritorna f'pajjiżna u jieħu sehem f'diversi produzzjonijiet lokali. Rajnieh ukoll fuq il-palk ta’ Mużika Mużika, fejn reġa’ wera t-talent vokali u l-esperjenza artistika li kiseb matul il-vjaġġ tiegħu barra minn Malta.

F’dan il-jum speċjali, nawguraw lil Jason Scerri sena mimlija saħħa, suċċess u aktar kisbiet kemm fuq il-palk kif ukoll fil-ħajja personali tiegħu. Awguri!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Gossip

Bosta Xewqat Sbieħ Għal Suor Michaela Paris F’Għeluq Sninha – Nawgurawlha!

Kyle Zarb Illum

Illum tagħlaq sninha s-soru maħbuba immens, Suor Michaela Paris imwielda r-Rabat, Malta.Fl-1988 Suor Michaela ingħaqdet mas-Sorijiet Ursolini tal-Kongregazzjoni Sant’Anġla Merici u serviet fid-Dar tagħhom ta’ Tas-Sliema għal ħamsa u għoxrin sena tgħallem lit-tfal tal-Kindergarten.Il-mużika minn dejjem kienet għal qalbha, ta’ 17-il sena temmet l-istudji tagħha fil-pjanuforte mar-Royal School of Music, Londra u l-Mużiċisti mat-Trinity College. […]