TM Alert qed iħeġġeġ lis-sewwieqa u lill-pubbliku biex jibqgħu infurmati dwar il-kundizzjonijiet fit-toroq, sabiex ikunu jistgħu jippjanaw il-vjaġġi tagħhom b'mod aktar effiċjenti u jevitaw dewmien bla bżonn.
Kemm jekk tkun sejjer għax-xogħol, l-iskola jew għal xi appuntament, li tkun taf minn qabel dwar xogħlijiet fit-toroq, għeluq temporanju jew avvenimenti li jaffettwaw it-traffiku jista' jagħmel differenza kbira fil-vjaġġ ta' kuljum.
Permezz ta' TM Alert, il-pubbliku jista' jibqa' aġġornat b'informazzjoni dwar xogħlijiet fit-toroq, għeluq temporanju ta' toroq, avvenimenti u avviżi importanti li jistgħu jħallu impatt fuq il-moviment tat-traffiku madwar Malta u Għawdex.
Dawk li jixtiequ jibqgħu dejjem infurmati jistgħu jsegwu lil TM Alert fuq Facebook u Instagram permezz tal-paġna @tmalertmalta. Barra minn hekk, hija disponibbli wkoll l-app TM Alert, li tippermetti lill-utenti jirċievu notifiki f'ħin reali direttament fuq il-mobile tagħhom, hekk kif jiġu ppubblikati l-aħħar aġġornamenti.
B'dan il-mod, is-sewwieqa u dawk li jużaw it-toroq jistgħu jippjanaw aħjar il-vjaġġ tagħhom, jagħżlu rotot alternattivi fejn meħtieġ u jevitaw sorpriżi matul il-vjaġġ.
Facebook / TM Alert
