Ixxerja

Il-Provinċja Franġiskana ta' Malta ħabbret li Ħuna Patri Joseph Magro beda uffiċjalment is-servizz pastorali tiegħu fil-Parroċċa ta' Santa Marija ta' Ġesù, f'Katanja, Sqallija. Skont il-Provinċja Franġiskana, il-fraternità fil-parroċċa hija magħmula minn Patri Massimo, li jservi bħala Gwardjan u Kappillan, flimkien ma' Patri Lorenzo u Fra Giuseppe.

Matul l-ewwel jumejn tal-missjoni l-ġdida tiegħu, Patri Joseph kien akkumpanjat mill-Ministru Provinċjal, bħala sinjal ta' appoġġ hekk kif beda dan il-kapitlu ġdid fil-ħajja reliġjuża u pastorali tiegħu. Fi tmiem il-messaġġ tagħha, il-Provinċja Franġiskana ta' Malta awgurat lil Patri Joseph kull ġid f'dan is-servizz il-ġdid, filwaqt li appellat lill-pubbliku biex iżommu fit-talb tiegħu hekk kif ikompli jaqdi l-missjoni tiegħu fi ħdan il-komunità Franġiskana u l-Parroċċa ta' Santa Marija ta' Ġesù f'Katanja.

Awguri mill-qalb!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Għalkemm Għaddejjin Minn Żmien Iebes… Nawguralek Saħħa, Hena U Ħafna Mħabba.” – Omm Owen Leuellen

Kyle Zarb Illum

Omm Owen Leuellen, Rita, ħallietlu messaġġ mill-qalb f’dan il-perjodu diffiċli. Messaġġ fl-okkażjoni ta’ għeluq sninu.Hi rrikonoxxiet li dan hu żmien diffiċli għall-familja wara t-telfa ta’ missieru. Filwaqt li sellmet il-memorja tiegħu, awgurat lil Owen saħħa, ferħ u mħabba bla qies.“Għalkemm Għaddejjin Minn Żmien Iebes… Nawguralek Saħħa, Hena U Ħafna Mħabba,” tikteb Rita. Hi ħeġġitu biex […]