Ixxerja

Is-Soċjetà Mużikali San Ġużepp Ħamrun esprimiet is-sogħba tagħha għall-mewt ta’ George D’Amato, persuna magħrufa għall-impenn kontinwu tagħha favur il-lokalità tal-Ħamrun.

F’messaġġ ta’ kondoljanzi, il-President u l-Kumitat Eżekuttiv, f’isem il-Kummissjonijiet kollha tas-Soċjetà, sellmu l-memorja ta’ D’Amato u offrew il-kondoljanzi sinċiera lill-familja tiegħu.

George D’Amato kien membru tas-Soċjetà Mużikali San Ġużepp u serva għal numru ta’ snin fil-Kumitat Eżekuttiv. Barra minn hekk, kien attiv ukoll f’diversi għaqdiet Ħamruniżi, fosthom il-Ħamrun Liberty u l-Ħamrun Spartans, li magħhom jibqa’ mfakkar.

Il-funeral ta’ George D’Amato se jsir għada il-Ġimgħa 7 ta’ Awwissu fid-9:45 a.m. fil-Knisja Arċipretali ta’ San Gejtanu, il-Ħamrun. Min-naħa tagħna, nagħtu l-kondoljanzi sinċieri lill-familja u lill-qraba tiegħu. Jistrieħ fis-sliem.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Mill-Gossip Xtrajt Żewġt Idjar” – Storja Li Qajmet Dibattitu Sħiħ!

Eileen Cumbo Salerno Illum

Timmaġinak tixtri żewġt idjar sempliċiment billi tkun taf x’inhu jiġri fil-viċinat? Din hija l-istorja li bħalissa tinsab qed iddur fuq il-midja soċjali. Miryam, mara mill-Kolombja, tgħid li għal snin twal kienet magħrufa bħala l-persuna li dejjem tkun taf x’inhu jiġri fil-lokalità tagħha. Min kien ikun irid ikun jaf xi aħbar jew xi “gossip”, erħilu jgħaddi s’għandha […]