Ixxerja

L-awtriċi Maltija, Sharon Calleja, qed tiċċelebra suċċess internazzjonali wara li r-rumanz tagħha The Museum of Lost Things rebaħ Silver Prize fil-kategorija Crime Fiction fl-Indie Gold Awards 2026.

Permezz ta’ post fuq il-midja soċjali, Calleja qasmet il-ferħ tagħha ma’ dawk li jsegwuha u ammettiet li għadha qed tħossha ftit surreali li tara l-kliem “Silver Prize Winner” ħdejn isimha.

Ftit tal-ħin ilu, l-awtriċi kienet diġà kuntenta li l-ktieb tagħha kien intgħażel bħala finalist. Issa, ir-rikonoxximent sar saħansitra aktar speċjali, speċjalment minħabba li The Museum of Lost Things għadu rumanz li se jiġi ppubblikat u għadu ma wasalx għand il-qarrejja.

Il-ktieb jittratta temi bħall-memorji, it-telf, is-sigrieti u dawk l-affarijiet mill-passat li b’xi mod jerġgħu jsibu triqthom lura f’ħajjitna.

Calleja qalet ukoll, li l-kitba bl-Ingliż u t-tentattiv li twassal l-istejjer tagħha lil hinn minn Malta, kienet avventura kompletament ġdida għaliha. Dan is-suċċess, iżda, taha aktar kuraġġ biex tkompli temmen fil-kitba tagħha.

Fl-aħħar, hija rringrazzjat lil dawk kollha li jaqraw il-kotba tagħha u sabiex jibqgħu jappoġġjawha f'dan il-vjaġġ tal-kitba.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

“Jalla Alla Jkompli Jbierkek U Jagħtik Ħafna Saħħa Biex Tkompli Tagħmel Il-Ġid” – TAMA Youths Birkirkara B’Messaġġ Ta’…

Matthea Grech Illum

Illum huma bosta dawk li qed iwasslu l-isbaħ xewqat tagħhom lil Fr. Ryan L. Pace, li llum qed jiċċelebra għeluq sninu.Fr. Ryan, li huwa d-Direttur Spiritwali ta’ TAMA Youths Birkirkara, ingħata messaġġ sabiħ ta’ awgurju mill-grupp, li rringrazzjawh għall-ħidma u d-dedikazzjoni tiegħu magħhom.Fil-messaġġ tagħhom, TAMA Youths Birkirkara esprimew l-apprezzament tagħhom lejn Fr. Ryan għal dak […]