Ixxerja

Jum tassew speċjali għal Michael Vella Haber u martu Mary Rose hekk kif qed jiċċelebraw il-50 anniversarju taż-żwieġ tagħhom – nofs seklu ta’ ħajja flimkien, mimli mħabba, familja u memorji. Michael huwa awtur lokali u wieħed mill-imħuħ wara Rikordja.

F’din l-okkażjoni sabiħa, binthom Amy qasmet messaġġ mill-qalb lill-ġenituri tagħha, fejn irringrazzjathom għall-imħabba u l-appoġġ li dejjem taw lill-familja tagħhom tul is-snin.

"Awguri għall-50 anniversarju, Ma u Pa. Grazzi talli dejjem ħabbejtuna mingħajr kundizzjonijiet, talli appoġġjajtuna f’dak kollu li ddeċidejna li nagħmlu, u talli rawwimtu fina l-imħabba għall-ivvjaġġar u l-avventura. Għal ħafna u ħafna snin oħra," kitbet Amy.

Ħamsin sena ta’ żwieġ huma bla dubju tragward mill-isbaħ, u l-kliem ta’ Amy jixhed mhux biss l-imħabba bejn Michael u Mary Rose, iżda wkoll il-valuri li għaddew lil uliedhom u l-familja li bnew flimkien.

Minn Gwida.mt, nawguraw lil Michael u Mary Rose anniversarju mill-isbaħ u ħafna aktar snin ta’ mħabba, saħħa, vjaġġi u avventuri flimkien!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Gossip

“Għaddew 10 Snin Minn Meta Bdejna Flimkien U Ħames Snin Mit-Tieġ Tagħna!” – Mark Micallef Costa

Emil Calleja Bayliss Illum

Jum speċjali għal Mark Micallef Costa u martu hekk kif qed jiċċelebraw żewġ tragward sabiħ fir-relazzjoni tagħhom – 10 snin minn meta bdew il-vjaġġ tagħhom flimkien u ħames snin minn meta ngħaqdu fiż-żwieġ. F’post mimli mħabba, Mark qasam ftit kliem ħelu ddedikat lil martu lejlet dan l-anniversarju speċjali. Ilbieraħ filgħaxija kiteb, “Għada niċċelebraw tragward fir-relazzjoni […]