Ixxerja

Nhar l-14 ta’ Awwissu, lejlet il-festa tant maħbuba ta’ Santa Marija, il-Qrendi se jerġa’ jinxtegħel b’wieħed mill-aktar spettakli mistennija mid-dilettanti tal-piroteknika.

Il-Fabbrika tan-Nar Santa Marija tal-Qrendi se terġa’ tippreżenta l-ispettaklu annwali Il-Ħakma tad-Dlam, li matul is-snin sar appunt appunt importanti fil-kalendarju tal-festa.

Matul is-serata, dawk preżenti se jkunu jistgħu jgawdu spettaklu ta’ nar sinkronizzat, flimkien ma’ wirja ta’ nar tradizzjonali. Din is-sena qed jiġu mwiegħda wkoll diversi sorpriżi u innovazzjonijiet li mistennija jkomplu jżidu mal-ispettaklu. Il-lejla se tkompli b’wirja ta’ nar tal-art, li eventwalment tilħaq il-qofol tagħha b’finali sinkronizzat.

L-edizzjoni ta’ din is-sena għandha tifsira speċjali hekk kif timmarka l-10 anniversarju tal-ispettaklu ta’ nar tal-art sinkronizzat. Matul dawn is-snin, din il-wirja rnexxielha ssir waħda mill-karatteristiċi distintivi tal-ispettaklu pirotekniku fil-Qrendi.

Tradizzjoni, innovazzjoni u mħabba lejn l-arti tal-piroteknika se jerġgħu jingħaqdu f’lejla waħda. Għad-dilettanti tan-nar, jidher li l-Qrendi se jkun wieħed mill-postijiet li żgur ta’ min iżur lejlet Santa Marija!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Ġejt Trattata Bħala Pazjenta L-Ewwel” – Mara Mill-Filippini Tfaħħar Is-Servizz Tas-Saħħa F’Malta

Emil Calleja Bayliss Illum

Mara mill-Filippini li ilha tgħix Malta għal diversi snin qasmet l-ewwel esperjenza tagħha fi sptar tal-Gvern f’pajjiżna, wara li kellha tirrikorri fid-Dipartiment tal-Emerġenza minħabba uġigħ qawwi. Araw il-filmat HAWN.F’kitba fuq il-midja soċjali, hija spjegat li daħlet l-isptar bħala ċittadina ta’ pajjiż terz (TCN), imbeżżgħa u b’uġigħ li ma setgħetx tiflaħ aktar. Għalkemm stenniet fit-tul u […]