Ixxerja

Tikka hija kelba Pointer ta’ 10 snin li qed tfittex familja ġdida wara li sidha, li issa huwa anzjan ħafna, sfortunatament m’għadux jista’ jkun hemm għaliha kif inhu meħtieġ.

Christa Cilia ltaqgħet ma’ Tikka u ħaditha għal passiġġata, fejn mill-ewwel setgħet tara kemm hi kelba grazzjuża, ferriħija u mimlija mħabba. Minkejja li kienet għadha kemm iltaqgħet magħha, Tikka malajr bdiet tħossha komda magħha u saħansitra mal-ewwel intefgħet fuq daharha biex tfissidha.

Christa appellat biex ħadd ma jaqta’ qalbu milli jadottaha minkejja l-età tagħha. Għalkemm għandha 10 snin, Tikka għadha b’saħħitha, tħobb il-passiġġati, l-attenzjoni kif ukoll il-kumpanija.

Wara 10 snin tgħix bħala l-kelba ta’ xi ħadd, issa ħajjitha se jkollha tinbidel minħabba ċ-ċirkostanzi ta’ sidha. Iżda Tikka mhix qed tfittex biss post fejn tqatta’ l-aħħar snin tagħha – qed tfittex dar fejn tkun tista’ tkompli tgawdi ħajjitha.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Grazzi Tal-Valuri U L-Eżempju Li Tajtna” – Dr Simon Busuttil Jsellem Il-Memorja Ta’ Missieru Frank

Bradley Zerafa Illum

L-eks Kap tal-Partit Nazzjonalista, Dr Simon Busuttil, qasam aħbar ta’ niket kbir fuq il-midja soċjali hekk kif ħabbar il-mewt ta’ missieru, Frank Busuttil, li ħalla din id-dinja proprju f’jum il-festa ta’ Santa Marija. F’messaġġ mimli mħabba, Dr Busuttil spjega kif il-familja kollha nġabret madwar missierhom fl-aħħar mumenti tiegħu mhux biss biex issellimlu, iżda biex tirringrazzjah […]