Illum hija ġurnata ta’ ferħ u ċelebrazzjoni għall-komunità tal-Parroċċa ta’ San Lawrenz f’Għawdex, hekk kif il-Kappillan qed jiċċelebra għeluq sninu.
F’din l-okkażjoni sabiħa, il-parroċċa wasslitlu l-isbaħ xewqat u esprimiet il-gratitudni tagħha għall-ħidma li jwettaq kuljum b’dedikazzjoni u impenn. Il-Kappillan għandu rwol importanti fil-ħajja tal-komunità, billi jkun qrib in-nies f’mumenti ta’ ferħ, iżda wkoll anke f’dawk il-mumenti aktar diffiċli.
Il-parroċċa tirringrazzjah għall-preżenza tiegħu, għall-kliem ta’ inkoraġġiment u għall-ħidma pastorali tiegħu fost il-parruċċani.
F’dan il-jum, il-komunità tkompli titlob għalih, biex Alla jżommu b’saħħtu, jagħtih l-għerf u l-enerġija, u sabiex jkompli jmexxih fil-missjoni tiegħu ta’ servizz.
Minn qalbna, aħna wkoll nawguraw l-isbaħ xewqat lill-Kappillan, kif ukoll nitolbu biex ikollu ħafna aktar snin ta’ saħħa, paċi, ferħ u ħidma fost il-komunità.
Ritratti: St. Lawrence Parish – Gozo MT
