It-temp tal-lum, il-Ħadd 23 ta’ Awwissu, qed ikun iddominat minn arja tqila u longa qawwija, iżda, kif kien imbassar, din il-ġimgħa ma kellniex xita.
Għall-ġimgħa li ġejja qed ikun previst temp prinċipalment xemxi u sħun, b’temperatura medja li mistennija tilħaq massimu ta’ 35°C u minima ta’ 25°C.
Għada, it-Tnejn 24 ta’ Awwissu, mistenni jkun xemxi u sħun, b’riħ forza 3 għal 2 minn Lbiċ. It-Tlieta 25 ta’ Awwissu se tkun xemxija, b’riħ forza 2 għal 3 mill-Punent-Lbiċ, filwaqt li l-Erbgħa 26 ta’ Awwissu mistennija tibqa’ xemxija, b’riħ ħafif forza 3 għal 2 mill-Punent-Lbiċ.
Il-Ħamis 27 ta’ Awwissu mistenni jkun xemxi b’riħ varju, filwaqt li l-Ġimgħa 28 ta’ Awwissu se tkun xemxija b’riħ ħafif forza 3 għal 2 mill-Punent-Lbiċ.
Matul tmiem il-ġimgħa, is-Sibt 29 u l-Ħadd 30 ta’ Awwissu, it-temp mistenni jibqa’ xemxi, iżda r-riħ mill-Punent-Majjistru se jissaħħaħ għal forza 4 sa 5.
B’hekk, il-jiem li ġejjin jidhru li se jkunu fil-biċċa l-kbira tagħhom xemxin u sħan, b’kundizzjonijiet aktar bir-riħ lejn tmiem il-ġimgħa.
