Għeluq snin speċjali fil-familja ta’ Pearl Vella Haber, hekk kif bintha Daisy għalqet 10 snin u daħlet uffiċjalment fis-snin b’żewġ ċifri! Għal din l-okkażjoni, Pearl qasmet messaġġ mill-qalb li fih ħarset lura lejn il-vjaġġ tagħha bħala omm, mill-ewwel darba li żammet lil Daisy f’idejha sal-lum.
“Għaxar snin ilu poġġewli tarbija ċkejkna f’dirgħajja, u niftakar kemm ħassejtni bla saħħa u mifnija b’dak kollu li kont qed nesperjenza. Għaxar snin wara, ġieli għadni nħossni hekk,” kitbet Pearl. Hija kompliet billi tkellmet b’mod sinċier dwar ir-realtà tal-maternità, li filwaqt li ġġib magħha l-isfidi tagħha, hija wkoll esperjenza li timla l-ħajja b’ħafna sodisfazzjon u mħabba.
“Li tkun omm hija diffiċli, iżda fl-istess ħin hija l-isbaħ vjaġġ u l-aktar wieħed li jagħtik sodisfazzjon.” Pearl indirizzat direttament lil bintha u kitbitilha, “Daisy, kbirna flimkien.” Spjegat li permezz ta’ Daisy u oħtha qed ikollha l-opportunità terġa’ tgħix aspetti minn tfulitha, u esprimiet il-gratitudni tagħha għall-fatt li tista’ tkun ommhom.
“Li narak tikber u ssir it-tfajla sabiħa, qalbha tajba u mill-isbaħ li int illum huwa wieħed mill-akbar ferħiet ta’ ħajti,” kompliet Pearl. Hija temmet il-messaġġ tagħha billi awgurat lil “il-fjura sabiħa” tagħha Daisy f’għeluq l-10 snin u laqgħet b’entużjażmu l-bidu ta’ kapitlu ġdid f’ħajjitha.
Nawguraw lil Daisy l-isbaħ xewqat f’għeluq l-10 snin tagħha u ħafna aktar snin mimlijin ferħ!
Facebook / Pearl Vella Haber
