Ixxerja

 Hemm ċerti persuni li maż-żmien isiru parti mill-identità ta’ post u Ċikku l-Markiż żgur li kien wieħed minnhom!

Fuq il-grupp ta’ Facebook Iz-Zurrieq, ġie ppubblikat ritratt nostalġiku ta’ Ċikku l-Markiż mis-snin tmenin, akkumpanjat mill-kliem  “Ċikku l-Markiż fit-tmeninijiet.” Francis Caruana, magħruf minn ħafna bħala Ċikku l-Markiż jew il-Kaptan, kien wieħed mill-aktar uċuħ familjari f’Wied iż-Żurrieq. Għal aktar minn ħames deċennji, huwa kien jgħin lis-sewwieqa jsibu post fejn jipparkjaw, filwaqt li jilqa’ lir-residenti u lit-turisti li kienu jżuru din il-lokalità.

Bil-kappell karatteristiku tiegħu ta’ kaptan, il-mustaċċi u t-tbissima tiegħu, Ċikku kien sar parti mill-esperjenza ta’ kull min kien jinżel Wied iż-Żurrieq. Huwa beda jgħin lil missieru minn meta kellu biss 13-il sena u aktar tard kompla fuq il-passi tiegħu. Sfortunatament, Ċikku ħalliena fid-9 ta’ Ottubru 2026, aħbar li qanqlet diversi messaġġi ta’ sogħba u tifkiriet sbieħ mingħand dawk li kienu jafuh.

Għalkemm Ċikku m’għadux magħna, it-tifkira tiegħu żgur li se tibqa’ ħajja fil-qlub ta’ bosta Maltin.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Ċans Ta’ Xita U Sajjetti Matul Il-Lejl! – Mid-Djarju Tat-Timba 

Eileen Cumbo Salerno Illum

Il-paġna  Mid-Djarju tat-Timba qasmet aġġornament dwar il-kundizzjonijiet tat-temp mistenni matul il-lejl li ġej, fejn jidher li jista’ jkollna xi ftit xita u anke sajjetti.Permezz ta’ kitba fuq il-midja soċjali, il-paġna spjegat li s-sema mistennija tibqa’ pjuttost imsaħħba matul il-lejl, filwaqt li aktar tard jista’ jasal xi sħab tax-xita fuq il-gżejjer Maltin. Skont l-istess aġġornament, hemm il-possibbiltà li tinżel xi ftit xita f’ċerti nħawi, filwaqt li mhux eskluż li jkun hemm ukoll xi sajjetti qrib jew fuq il-gżejjer Maltin. Il-paġna żiedet tgħid li r-riħ mistenni jkun moderat mill-Punent.Dan it-tbassir jaqbel ukoll ma’ dak tas-sit MaltaWeather, li għall-lejla qed ibassar temp fil-biċċa l-kbira msaħħab b’ħalbiet iżolati tax-xita.