Ixxerja

Hemm mumenti fil-ħajja li jbiddlu għal kollox ħajtek u jimlew il-qalb b’imħabba li diffiċli titfisser bil-kliem. Għal Graziana Axisa, wasal wieħed minn dawk il-mumenti mill-isbaħ, għax il-familja tagħha kibret b’membru ġdid li diġà seraq qalb kulħadd.

Permezz ta’ messaġġ mimli emozzjoni, il-kantanta ħabbret il-wasla taċ-ċkejken Gianni fid-dinja, u qasmet il-ferħ tagħha ma’ dawk li jsegwuha. “U hekk, f’daqqa waħda, sirna erbgħa!” kitbet, b’ferħ li jinħass f’kull kelma.

Graziana fissret kif il-wasla ta’ Gianni għaqdet il-familja tagħhom bl-isbaħ mod possibbli, iżda dan il-mument huwa speċjali wkoll għal Giuseppe, li issa uffiċjalment kiseb irwol ġdid f’ħajtu: dak ta’ ħu l-kbir. L-omm qasmet ukoll, kif iż-żewġ subien li għandha huma l-akbar imħabba tagħha u żewġ mirakli żgħar li jagħmlu ħajjitha aktar sabiħa.

Minn qalbna, nawguraw lil Graziana u lill-familja tagħha ħafna saħħa, ferħ u mħabba f’dan il-kapitlu ġdid. Jalla ċ-ċkejken Gianni jikber imdawwar b’kull barka u b’imħabba bla qies!

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Jum Speċjali Għal Gino Lombardi – Bintu Kimberley Tagħlaq Sninha U Hu Qed Jiċċelebra L-Anniversarju Taż-Żwieġ Ma’ Martu

Matthea Grech Illum

Hemm dati li jibqgħu mnaqqxa għal dejjem fil-qalb, u għal Gino Lombardi, il-ġurnata tal-lum tfakkar f’żewġ okkażjonijiet mill-isbaħ li jagħmlu din il-ġurnata waħda tassew speċjali.L-awtur Malti qasam messaġġ mill-qalb fejn awgura lil bintu l-kbira, Kimberley, f’għeluq sninha. Iżda din il-ġurnata għandha tifsira oħra għalih u għal martu Carmen, għax illum qed jiċċelebraw ukoll id-39 anniversarju […]