Ixxerja

Il-Kap tal-Oppożizzjoni, Alex Borg, qasam riflessjoni fuq il-mezzi soċjali dwar l-importanza li wieħed isib ħin għalih innifsu, minkejja l-impenji u r-responsabbiltajiet li ġġib magħha l-ħajja ta’ kuljum. Borg spjega kif, bejn ix-xogħol u l-laqgħat, il-ġranet jaf jgħaddu malajr, iżda xorta waħda jipprova jsib ftit ħin biex jieħu ħsieb saħħtu.

"Il-gym għalija mhux biss eżerċizzju. Huwa dak il-ħin fejn nista’ niżvoga u nieħu ħsieb saħħti, kemm fiżikament kif ukoll mentalment," kiteb Borg. Huwa saħaq ukoll fuq l-importanza tad-dixxiplina u l-konsistenza, speċjalment f’dawk il-ġranet meta l-motivazzjoni tkun nieqsa.

"Li tibqa’ konsistenti u ma taqtax qalbek," sostna, filwaqt li fakkar li biex wieħed ikun jista’ jagħti l-aħjar tiegħu lill-oħrajn, jeħtieġ li l-ewwel jieħu ħsieb tiegħu nnifsu. Messaġġ li jgħodd għal kulħadd, irrispettivament mill-impenji u r-responsabbiltajiet li kull wieħed u waħda minna jġorr.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Lifestyle

Il-Ministru Glenn Bedingfield Jawgura Lill-Filjozza Tiegħu Wara Li Ngħaqdet Fis-Sagrament Tal-Griżma Tal-Isqof

Matthea Grech 17 ta' Ottubru, 2026

Mumenti bħal dawn jibqgħu mnaqqxa fil-qalb għal dejjem, speċjalment meta jkunu marbuta ma’ pass importanti fil-mixja tal-fidi. Illum kienet ġurnata speċjali għal Anne, li rċeviet is-Sagrament tal-Griżma tal-Isqof, okkażjoni li ġġib magħha ferħ, tama u barka speċjali.Il-Ministru għall-Intern u s-Sigurtà, Glenn Bedingfield, awgura lil Anne f’dan il-jum tant sabiħ. “Filjozza! Awguri Anne li llum irċeviet […]