Ixxerja

Is-Sindku tal-Belt Valletta, Olaf McKay, ma żammx lura milli jesprimi d-diżappunt tiegħu dwar l-istat li qed titħalla fih Triq it-Teatru l-Antik wara l-attività kummerċjali ta’ kuljum.

F’messaġġ dirett, is-Sindku qal li hemm min iħobb jilmenta dwar il-ħmieġ li jħallu warajhom oħrajn, iżda mbagħad jispiċċa jagħmel l-istess ħaġa. Huwa saħaq, li min jagħmel il-flus mill-Belt għandu wkoll ir-responsabbiltà li jieħu ħsieb l-ispazju ta’ madwaru: “Ħabib, wara li taqla’ lira mill-Belt, għallinqas ħu ħsieb li tnaddaf warajk."

McKay appella, għal aktar rispett lejn il-komunità Beltija, ir-residenti u anke lejn il-klijenti stess tan-negozji. Fl-istess waqt, ħabbar li se jintbagħtu ittri biex jiġi żgurat li kull filgħaxija kollox jitneħħa minn Triq it-Teatru l-Antik. Dan biex il-ħaddiema tat-tindif ikunu jistgħu jidħlu bil-makkinarju meħtieġ u jagħmlu xogħolhom kif suppost.

Is-Sindku għamilha ċara li mhux qed jiġġeneralizza, iżda jemmen li issa “qed jinqabeż kull limitu” u li r-rispett lejn il-Belt għandu jkun responsabbiltà ta’ kulħadd.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Illum Il-Kantant Renato U L-Maħbuba Tiegħu Alison Qed Jiċċelebraw 50 Sena Miżżewġin

Cristian Tonna Ilbieraħ

Illum il-kantant maħbub minn bosta Renato u martu Alison qed jiċċelebraw 50 sena mill-jum taż-żwieġ tagħhom. Ftit ġranet oħra, proprju fid-19 ta’ Novembru, il-kantant se jkun qed jiċċelebra wkoll għeluq sninu; fil-fatt, hu se jagħlaq l-età sabiħa ta’ 75 sena.Matul is-snin, il-vuċi ta’ Renato saret magħrufa ferm fix-xena lokali. Ħafna baqgħu jiftakruh bħala wieħed mill-ewwel […]