Ixxerja

Kien proprju bħal-lum tlett snin ilu meta l-komunità Beltija u eluf oħrajn ta' Maltin tħallew imnikkta wara li ħarġet l-aħbar li fl-età ta' 92 sena, ħalla din id-dinja Pawlu Curmi, jew kif bosta kienu jsibuh, il-Pampalun.

Pawlu kellu mħabba kbira lejn il-jiem tal-Karnival u fil-fatt matul ħajtu dejjem wera dedikazzjoni u passjoni liema bħalhom sabiex sena wara l-oħra ra ċ-ċelebrazzjonijiet tal-Karnival f'belt twelidu dejjem ikunu ikbar u isbaħ. Tant kemm kienu għal qalbu dawn il-ġranet, hu kien sar magħruf ukoll bħala r-Re tal-Karnival Malti.

Fost il-Beltin, Pawlu baqa' mfakkar għall-karattru ferrieħi u simpatiku, iżda fuq kollox, umli tiegħu fejn dejjem kien ikun lest sabiex jgħin u jferraħ lil dawk il-persuni li l-ħajja tatu l-opportunità jiltaqa' magħhom.

Jumejn wara li ħarġet l-aħbar li l-Pampalun kien ħalla din id-dinja, l-iskultur u preżentatur lokali Indrì Attard kien fil-pront beda jaħdem fuq bust sabiex jonora l-memorja ta' dan il-ġentlom.

Strieħ fis-sliem, Pawlu.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Daniel Attard Se Jmexxi Proposta Ewropea Biex Il-Passiġġieri Jkollhom Aktar Għażla U Trasparenza

Matthea Grech Illum

Il-vjaġġaturi Ewropej jistgħu fil-futur ikollhom aktar ċarezza meta jkunu qed ifittxu u jixtru l-biljetti tal-ivvjaġġar tagħhom online, hekk kif l-Ewroparlamentari Malti, Daniel Attard, inħatar rapporteur għal proposta ġdida tal-Unjoni Ewropea.Il-proposta, li tagħmel parti mill-pakkett dwar id-drittijiet tal-passiġġieri, għandha l-għan li tagħmilha aktar faċli għall-konsumaturi biex jqabblu l-għażliet tagħhom fuq pjattaformi diġitali bħal Skyscanner, eDreams, Trainline […]