Ixxerja

Il-Kunvent Santa Tereża ta’ Bormla wasslet l-awguri tagħha f’għeluq snin il-Bormliż u l-President Emeritus tar-Repubblika ta’ Malta, Dr Ugo Mifsud Bonnici, li llum, 8 ta’ Novembru, jagħlaq 94 sena.

Imwieled Bormla fit-8 ta’ Novembru 1932, Dr Mifsud Bonnici huwa personaġġ li ddedika parti kbira minn ħajtu għall-edukazzjoni, il-politika u s-servizz lejn pajjiżna. Wara li studja l-Liċeo u l-Università Rjali ta’ Malta, iggradwa fil-Baċellerat tal-Arti fl-1952 u bħala Duttur fil-Liġi fl-1955. Aktar tard, fl-1966, beda l-karriera politika tiegħu mal-Partit Nazzjonalista, fejn ġie elett bħala Membru Parlamentari u baqa’ jiġi elett fl-elezzjonijiet sussegwenti.

Matul is-snin serva wkoll bħala Ministru tal-Edukazzjoni, fejn ħadem fuq diversi oqsma importanti, fosthom l-edukazzjoni, l-ambjent, il-kultura u ż-żgħażagħ. Fl-1994 laħaq President tar-Repubblika ta’ Malta, kariga li wettaq sal-1999.

Lil hinn mill-karigi pubbliċi, Dr Mifsud Bonnici huwa magħruf ukoll għall-imħabba tiegħu lejn il-kitba u l-letteratura, b’diversi artikli u pubblikazzjonijiet li jixhdu din il-passjoni.

Illum, f’dan il-jum speċjali, Bormla għandha għalfejn tifraħ lil wieħed minn uliedha li ta kontribut importanti lill-pajjiż.

It-Tim ta' Gwida.mt jawgura mill-qalb lil Dr Ugo Mifsud Bonnici! Jalla jkollu aktar snin ta’ saħħa, hena u serenità.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Ta’ 9 Snin Biss Rhysin Farrugia Ġabar Eluf Ta’ Ewro Għal Puttinu Cares U Stabbilixxa Rekord Nazzjonali

Matthea Grech Illum

Hemm tfal li minkejja l-età żgħira tagħhom, juruna kemm qalbhom tista’ tkun kbira. Eżempju sabiħ ta’ dan huwa Rhysin Farrugia, tifel ta’ qalb tad-deheb li permezz ta’ ġest mill-isbaħ qed jagħti tama u għajnuna lil tfal oħra li għaddejjin minn żminijiet diffiċli.The Malta Records ħabbru li lbieraħ kienu mistiedna fiċ-Ċittadella Beland, iż-Żejtun, sabiex jippreżentaw rekord […]