Ixxerja

Ilbieraħ filgħaxija saret it-tieni semifinali tal-Eurovision Song Contest 2026 fejn Malta rnexxielha tikseb post fil-finali ta’ għada b’wirja mill-aqwa minn AIDAN bil-kanzunetta Bella.

Dan ifisser li Malta għaddiet għall-finali għat-tieni sena konsekuttiva, xi ħaġa li ma kinitx seħħet mill-2021 ’l hawn.

Wara l-konferenza tal-bieraħ, ġie konfermat ukoll li Malta se tkun qed tkanta fl-10 pożizzjoni waqt il-finali ta’ għada fil-belt ta’ Vienna.

Il-24 pajjiż finalist li se jikkompetu ma’ Malta għada huma: l-Albanija, l-Awstralja, l-Awstrija, il-Belġju, il-Bulgarija, il-Kroazja, Ċipru, iċ-Ċekja, id-Danimarka, il-Finlandja, Franza, il-Ġermanja, il-Greċja, Iżrael, l-Italja, il-Litwanja, il-Moldova, in-Norveġja, il-Polonja, ir-Rumanija, is-Serbja, l-Iżvezja, l-Ukrajna u r-Renju Unit.

Il-finali mistennija tkun waħda ferm kompetittiva hekk kif ħafna mill-favoriti tad-djar tal-imħatri rnexxielhom jikkwalifikaw matul iż-żewġ semifinali.

Sadanittant, Malta bħalissa tinsab mal-aqwa 10 skont id-djar tal-imħatri dwar min għandu l-aqwa ċans jirbaħ il-kompetizzjoni ta’ din is-sena.

Awguri AIDAN! Awguri Malta!

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Spettaklu

L-Ewwel Semifinali Tal-Eurovision Se Ssir Kif Pjanat Minkejja L-Maltemp Li Kien Hemm Fi Vjenna

Gwida.mt 12 ta' Mejju, 2026

Ilbieraħ, minħabba x-xita qawwija, il-Pjazza tal-Muniċipju ta’ Vjenna kellha tiġi evakwata. Il-Villaġġ tal-Eurovision, il-post uffiċjali fejn isiru ċelebrazzjonijiet relatati mas-70 Konkors tal-Eurovision Song Contest, fetaħ nhar il-Ħadd biss. “Minħabba s-sitwazzjoni attwali tat-temp, irridu ntemmu l-programm u nieħdu miżuri ta’ sigurtà,” ħabbret il-Belt ta’ Vjenna lbieraħ. Dawk preżenti ntalbu jitilqu miż-żona, u qanqal diżappunt hekk kif […]