Ixxerja

F’okkażjoni għallJum Dinji tan-naħal, l-Università ta’ Malta qasmet messaġġ importanti dwar il-protezzjoni u l-irwol essenzjali tagħhom fid-dinja tagħna.

Fil-messaġġ tagħha, l-Università spjegat kif in-naħal għandhom rwol kruċjali biex tinżamm il-ħajja fuq l-art, iżda fl-istess ħin il-popolazzjoni tagħhom qed tkun mhedda minħabba t-tibdil fil-klima, it-telf tal-ambjent naturali u t-tniġġis. L-Università ħeġġet lill-pubbliku biex jieħu ftit ħin sabiex jitgħallem aktar dwar dawn il-pollinaturi importanti u kif kulħadd jista’ jagħti sehmu biex jipproteġihom. Skont il-messaġġ tagħhom, “anke azzjonijiet żgħar jistgħu jagħmlu differenza”.

Fost il-fatti interessanti li qasmu dwar in-naħal, spjegaw kif in-naħal u pollinaturi oħra jgħinu biex jiġu msaħħa madwar 35% tal-uċuħ tar-raba’ fid-dinja kollha. Qasmu wkoll informazzjoni dwar kif in-naħal jikkomunikaw permezz tal-moviment u saħansitra jagħmlu dik magħrufa bħala “waggle dance” biex juru lil naħal oħra fejn jistgħu jsibu l-aqwa sors tal-ikel.

Interessanti wkoll il-fatt li n-naħal iħabbtu ġwenħajhom madwar 200 darba kull sekonda u minn hemm jinħoloq il-ħoss karatteristiku tagħhom li diffiċli ma tintebaħx bih!

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Fejn Tmur Waħda Isegwi L-Ieħor” – Dayle U Naya Jittamaw Għal Bidu Ġdid Flimkien

Eileen Cumbo Salerno Illum

Xi drabi jkun hemm rabtiet li ma tistax tispjegahom bil-kliem hekk kif jidher fil-każ ta’ Dale u Naya, żewġt iqtates ta’ sitt xhur li bħalissa qed ifittxu dar ġdida iżda b’kundizzjoni waħda importanti: li jibqgħu flimkien L-organizzazzjoni CSAF Malta ressqet storja ħelwa dwar dawn iż-żewġt iqtates li sabu kenn, faraġ u ħbiberija f’xulxin. Fir-ritratti li ġew ippubblikati, […]