L-attur Malti David Coppini għadu kif intagħżel sabiex ikun parti mill-kast tal-musical ‘The Phantom of the Opera’ hekk kif fix-xhur li ġejjin dan se jkun qed jittella’ f’diversi bliet Ewropej.
Il-musical ‘The Phantom of the Opera’ kien inkiteb lura fis-snin 80 u minkejja li għaddew madwar 40 sena minn meta ttella’ l-ewwel darba f’Londra, madankollu, sal-lum il-ġurnata għadu jattira udjenza kbira ferm tant li matul dawn l-aħħar snin ittella’ f’40 pajjiż differenti u rnexxielu jilħaq iżjed minn 160 miljun ruħ.
Hu proprju għalhekk li s-sehem ta’ attur Malti f’musical bħal dan li rnexxielu jikseb daqstant suċċess tul is-snin huwa ta’ preġju kbir mhux biss għall-attur innifsu iżda wkoll għal pajjiżna.
Prosit tassew!
Facebook / Phantom of the Opera u Instagram / @bba_management
