Ixxerja

Il-kantanta Maltija Audrey Schembri ġiet onorata bl-Award of Excellence waqt l-Angel Voice Festival li sar f’Budva, il-Montenegro, bejn l-1 u t-3 ta’ Ġunju. Schembri kienet mistiedna bħala waħda minn 21 “Premium Stars” internazzjonali u rrappreżentat lil Malta bħala ambaxxatriċi uffiċjali tal-festival. Dan kien pass importanti fil-karriera tagħha, wara li diġà rrappreżentat lil Malta 17-il darba f’12-il pajjiż differenti.

Matul il-festival, Audrey serviet ukoll bħala membru tal-ġurija internazzjonali u tat diversi wirjiet mużikali. Waħda mill-esperjenzi li l-aktar spikkat kienet id-debutt tagħha bħala ġurata fil-kategorija “New Song”. Hija rringrazzjat lill-organizzaturi tal-festival, lit-tim tagħha f’La Voix Studios immexxi minn Gillian Attard, kif ukoll lis-segwaċi tagħha għall-appoġġ kontinwu tagħhom.

“Dan il-premju huwa tagħkom daqs kemm huwa tiegħi,” qalet il-kantanta ċkejkna.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

Bil-Filmat: “Kont Inqisu Bħala Nannu Tiegħi. Inħobbok Frans.” – Maria La Barokka Muscat B’Memorja Emozzjonali

Kyle Zarb Ilbieraħ

Kif tafu tajjeb, il-preżentatriċi Maria La Barokka Muscat għandha karriera twila mimlija esperjenzi mill-isbaħ bħala kantanta. Hi kantat ma’ diversi artisti ta’ livell għoli, fosthom l-għannej Il-Budaj, magħruf ukoll bħala Frans Baldacchino. Kien hemm ħafna xtaqu li jaraw wirja li taw flimkien Maria u l-Budaj. Tikteb li kien ħabib kbir tagħħha u tesprimi mill-ġdid l-imħabba […]