Ixxerja

Il-waqfien mill-gażaża jista’ jkun pass mhux daqshekk faċli għal xi tfal, speċjalment meta jkunu draw jużawha bħala sors ta’ wens. Dr. Joseph Mizzi qasam numru ta’ pariri mal-ġenituri dwar kif jistgħu jgħinu lit-tfal tagħhom jitilqu l-gażaża bil-mod u b’konsistenza.

Huwa semma diversi raġunijiet għaliex il-ġenituri jistgħu jikkunsidraw dan il-pass, fosthom l-iżvilupp tad-diskors, it-tkabbir tas-snien u l-ħanek, kif ukoll it-tnaqqis tad-dipendenza fuq il-gażaża għall-wens.

Mizzi jissuġġerixxi li l-aħjar pass huwa li l-ewwel tibda billi tillimita l-gażaża għall-ħin tal-irqad biss. Matul il-ġurnata, il-ġenituri jistgħu joffru alternattivi ta’ wens bħal tgħanniqa, storja, logħob jew li toffrilhom il-ġugarell favorit. Meta dan jindehra b’mod konsistenti, il-ġenitur ikun fiċ-ċans li jagħżel ġurnata partikolari li minnha l-gażaża titwaqqaf kompletament.

 Madankollu jistqarr ukoll li l-ewwel ftit jiem jistgħu jkunu kemxejn diffiċli, iżda bi ftit paċenzja, inkoraġġiment u konsistenza tista’ tgħin lit-tfal jadattaw għal din il-bidla.“Prosit! Pass ieħor ’il quddiem fl-iżvilupp ta’ wliedkom,” temm jgħid Mizzi fil-messaġġ tiegħu.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Fl-Att Ta’ Vandaliżmu F’Medjugorje, Jidher Li Statwa Tal-Madonna Ġiet Miksija B’Żebgħa Sewda

Eileen Cumbo Salerno Illum

Xeni li qanqlu rabja u diżappunt f’Medjugorje, wara li matul il-lejl diversi simboli reliġjużi sfaw fil-mira ta’ vandaliżmu.Fost l-aktar li spikka kien dak li sar lill-istatwa tal-Madonna fuq Podbrdo, magħruf bħala l-Għolja tad-Dehriet. Wiċċ u idejn l-istatwa nstabu miksija b’żebgħa sewda, filwaqt li fil-madwar dehru wkoll kitbiet offensivi kontra l-Madonna. Il-vandaliżmu ma waqafx hemm, hekk […]