Proprju bħal-lum 81 sena ilu, fit-8 ta’ Mejju tal-1945, saltnet il-paċi fost il-pajjiżi Ewropej hekk kif it-Tieni Gwerra Dinjija waslet fi tmiemha.
Dan wara li dakinhar daħal fis-seħħ ftehim li kien jimplika li l-Ġermanja Nażżista kellha ċċedi l-armi u ma turi l-ebda reżistenza fil-konfront tal-Alleati li kienu jinkludu fost oħrajn l-Amerka, l-Unjoni Sovjetika, l-Ingilterra kif ukoll Franza.
It-Tieni Gwerra Dinjija kienet serqet il-ħajja ta’ ‘l fuq minn 80 miljun ruħ u bdiet b’bidu glorjuż għall-Ġermanja Nażżista li f’dik il-ħabta bdiet tinvadi u taħtaf taħt idejha għadd ta’ pajjiżi Ewropej u ntemmet bi tmiem umiljanti għall-istess Ġermanja Nażżista hekk kif is-suldati tal-Unjoni Sovjetika rnexxielhom jaħtfu l-belt kapitali Ġermaniża ta’ Berlin.
Il-gwerra dinjija kienet damet sitt snin sħaħ u l-jum tat-8 ta’ Mejju sal-lum il-ġurnata hu meqjus madwar l-Ewropa bħala Jum ir-Rebħa fl-Ewropa.
Today is Victory in Europe Day.
— Visegrád 24 (@visegrad24) May 8, 2026
On May 8th 1945, the Allies formally accepted Nazi Germany's unconditional surrender.
The surrender entered into force at 11:01 pm Central European Summer Time and the guns fell silent for the first time in nearly 6 years. pic.twitter.com/PtML8IOT9D
X / Visegrad 24 u Pexels
